¿Quién ta detrás d'esta xente? Ye la entruga que se faen los voceros de los dos partíos MAYORITARIONOS, tanto'l PP como'l PSOE, que falaben de les revueltes nel mundu árabe como un exerciciu de democracia, mientres que descalifiquen a la xente que pide una democracia real nel so país.
¿Quién los ta manipulando? Ye lo que dicen nos medios de comunicación.
Pero... ¿Quién ta detrás de la vuestra DEMOCRACIONA? ¿Quién ye'l que nos punxo una xefatura d'estáu hereditaria? ¿Quién llantó una llei electoral na que nuna provincia como Soria con 95.000 habitantes, van votar 3 monxes y un par d'oveyes y tien 3 diputaos mientres un partíu como Izquierda Xunida con 963.040 votos tien 2 diputaos?
Esti, ensin duldalo sedría'l primer pasu, cambiar la llei electoral pa facela porporcional, más xusta. Caro qu'esi cambiu supón que voten a favor d'una reforma de la CONSTITUCIONONA 3/4 partes de la cámara, convocar elecciones y que la nueva cámara de representantes volviera a votar a favor de la reforma na mesma proporción, 3/4.
¿Cómo ye posible que'l director del Fondu Monetariu Internacional seya un socialista con un coche de 100.000 € y que resida n'hoteles de 3.000 € la nueche mientres nos manda a los demás apretanos el cinchu? Aparte d'andar faciendo'l Sandokán coles trabayadores que se-y crucen pel camín.
Más cerquina de nosotros ¿Cómo ye posible que l'ARZOBISPÓN d'Uviéu pida'l votu pa dalgún de los partíos qu'al so xuiciu defiendan la familia y estos seyan PP cola lideresa Isabel Pérez-Espinosa DIVORCIADONA dos veces y FAC col DIVORCIADÓN tamién dos veces Francisco Álvarez Cascos? ¿Cómo ye posible qu'al lláu d'un señor como Álvarez Cascos qu'en 1981 dixo: "Franco es una figura histórica de envergadura a la que admiro", vaigan de la manina históricos del asturanismu como Carlos Rubiera (sí, sí el compositor de "La Capitana") Arias-Cachero, Inaciu Iglesias (editor de Les Noticies ) o el mio paisanu Xicu Yepes? Amás de Pepe'l Ferreiro, al que munchos arrepentímonos de dar la nuestra firma de sofitu pa la plataforma d'apoyu a la so permanencia nel cargu de director del muséu de Grandas, yá que vendiósenos el tema como daqué alloñao de la política, p'a la fin quedar con cara bobos una vuelta más.
Yo personalmente voi dir a votar esti domingu, tovía nun fui quién a absteneme dende que tengo drechu al votu, pero tamién ye'l momentu d'echanos a la cai a esixí-yos lo que ye nuestro.
PD: Equí podéis descargar la entrevista a Cascos na Fueya'l Llunes de Xixón, nun tien desperdiciu:
Que grande yes Ruma!
ResponderEliminarEn general me gusta y me parece bien, hay que decir las cosas, pero en cuanto a la realidad del sistema electoral desconozco el porque real de su validez como tal y que en 1996 daba a IU 2.639.774 y 10,54% de votos con 21 escaños y seguramente era "más válido" para la coalición que en 2008 con 969.946 (o sea 2,7 veces menos) y el 3,77% de votos pero sin embargo sólo 2 escaños (cuando por "descenso proporcial" quizás deberían ser unos 7). Desde luego y con el mismo sistema de reparto y "misma opción política" parece que fallase también algo más. Si alguien lo puede explicar se agradece. Marcos
ResponderEliminarLes reflesiones que fais me paecen divertides y verdaeres como puños de fierro... Pero en cuantes a lo de Cascos, con tolos mios respetos, paezme un poco maniqueo (eso de surrayar pa que nos demos cuenta etc etc)nun digo que nun seya verdá eses tochaes que diz. Pero preguntaste que dicía Carrillo por esa época (igual tovía quería estlinizar tol país) o Felipe González (igual quería entrar daquella nel Pacto Varsovia) etc etc. si fais hemeroteca ... pa toos igual y quedaríes asustáu... Hasta yo d'aquella pensaba que esto del asturianu yera una babayada ensin sentíu. La evolución mon ami. dame declaraciones d'agora y falamos.
ResponderEliminarErnesto colsa