viernes, 1 de octubre de 2010

¿Nun va dicilo naide?

Llevo dándo-y vueltes a esti asuntu dende que vi los primeros dibuxos del proyectu de Niemeyer p'Avilés y dándo-yos el coñazu a los mios collacios colo que me parez la obra d'esti señor. Vamos ver, Niemeyer ye l'arquitectu que se fizo famosu pol proyectu d'esa gran "Perlorona" que ye Brasilia, una ciudá diseñada con un gustu más que cuestionable a entamos de los 60 y qu'en 10 años taba yá más pasada que la Mirinda. Tovía m'alcuerdo de la qu'estudié al Niemeyer na facultá, les rises qu'echábemos a cuenta de la horterada d'edificios que facía esti bon paisanu. Pero nada, equí somos más grandonos que naide y envede dexar a esi probe paisanu vivir tranquilín los sos caberos años (el bonu d'Oscar tien 103 años) al calorín brasileñu, dando paseinos... van estos "fangios" de la "Fundación Príncipe" a revolvelu, primero que si un premiu, depués que si: -Fainos un proyectín... Y caro, que va dicir esti home, venga faigovoslu y equí tal resultáu, una cupulona asemeyada a la tristemente desaparecía discoteca Tik de La Guía (Xixón) con un chigre-platielluvolante calcáu al del parque d'atracciones de Madrid, que tamién dió colos sos cimientos en suelu l'añu pasáu. ¿Qué ye qu'hasta la dirección del parque d'atracciones de Madrid tien un gustu más refináu que la fundación de los premios principiegos y el gobiernín? Yá puestos, ¿Por qué nun-y mercaron el platiellu a los madrilanos? A fin de cuentes yera un edificiu históricu que, cuidadín, salía en películes de la talla de "Tobi" y "Las aventuras de Parchís", filmes a la altura de les últimes películes del tamién "Premiu Príncipe" Woody Allen.
Y ante tamaña macarrada arquitectónica, naide s'atreve a dicir nada, esto ye como'l cuentu del traxe nuevu del emperador. Pero MIRÁI por dios que ventanes d'aluminiu, ¡Cago'n ros! Eses ventanes valen pa una cafetería d'El Berrón (con perdón a los propietarios de cafeteríes d'El Berrón) pero non pa un edificiu que pretende ser "El Guggenheim d'Asturies".
El señor Niemeyer a ver obres como tolos xubilaos, que ye pa lo que ta.

3 comentarios:

  1. Hola Rumina: asina que ya tenemos otru blog que nos va facer perder el tiempu, oing oing, oing... Pero yá sabes que ye una de les poques coses que nos presta perder.
    Toi totalmente d'alcuerdo contigo y tou esti enguedeyu del Niemeyer que, oxalá m'enquivoque, pero tien como un tafu desde 'l primer día... Y yá nun sólo l'edificiu con esa pinta que da mieu, sinon toa esa mena xente famoso como 'l Brad Peet y etc etc que vienen encantaos a promocionar l'edificiu. ¿quién los invita, con qué perres...?
    Hai, que ma da muncho mieu.
    ¡Hala y a seguir col blog!
    Miguel

    ResponderEliminar
  2. Un gustazo leer esta entrada, aunque prefiero ver como cuentas esto mismo en directo.

    ResponderEliminar
  3. y... ¿nun será que´l Niemeyer anda con un pocu alzeimer y piensa que anda polos años 60 creando coses nueves a la par que rompedores?. Un pocu de comprensión cola xente mayor.

    ResponderEliminar